Gueti Läischtige für beschti Güeter: Transportdienschtläischtige im Überblick
Öises koschtbaarschte Guet isch Ires Vertroue. Drum dörfed Si vo öisne Transportdienschtläischtige im In- und Ussland 100% Verlässlichkäit und erschtklassigi Technologiiä erwaarte. Allne gmäinsaam isch öises Angaschman für Iri Zfridehäit, für d Sicherhäit vo Irere Waar und für d Umwält. So räised rund 60% vo Irne Stückguet– und Päcklisändige i de Schwiiz uf de emissioonsaarme Schine. Und falls Ire Gschäftshorizont über d Landesgränze uusgaat, gönd mir Ine mit ere internazionaale Transportkompetänz, ere jaarzääntelangen Erfaarig mit jedere Art vo Verzolig und eme guet iigschpillte Luftfrachtersazzvercheer zur Hand.
Fakte händ s Wort
Nazionaal
23'000
Sändige pro Taag
85%
vo de Sändige bis am Mittag gliferet
60%
über di umwältfründlich Schine
7'406 t
gschpaarte CO2-Uusschtooss
240
Baanwäge pro Nacht
2'120
Faarzüüg, devoo 350 Subundernämer
11'000'000
suuberi Zuugkilomeeter pro Jaar
Internazionaal
2'240
Sändige pro Taag
3'140
transportiärti Tone täglich
380
Faarzüüg im Iisazz
1'500
Verzolige pro Taag
Interview mit Renault Trucks zu unseren zwölf neuen E-LKW
Seit Sommer 2022 sind bei Planzer zwölf E-Lkws von Renault Trucks auf Achse. Sie kommen vor allem in der City-Logistik zum Einsatz. In welchem Tempo die Elektrifizierung von Kraftfahrzeugen voranschreitet und welche Chancen sowie Risiken damit verbunden sind, erfahren wir im Gespräch mit unserem Kompetenzpartner Renault Trucks.
Bim Transport vo Farma- und Biotechprodukt halted mir öis ooni Wänn und Aber ad Beschtimige vo GDP/GMP/GxP, Swissmedic und andere Standardsetter. Zu dem ghöört e luggeloosi Tämperatuurkontrole mit Uufzäichnig.
Underem Leibel Planzer Pakeet im urschprüngliche Retroluk lifered mer Sändige bis maximaal 30 Kilo zu Gschäfts- oder Privaatempfänger – es Lächle inklusiive.
Für Iri Päckli schwärmed mer au i de Nacht uus und schteled sicher, dass si i de Schwiiz und z Liechteschtäi bis schpöötischtens am Morgen am Sibni uusgliferet sind. Kat-off vo öisem Nachtexpress isch zabig am Zäni.
Überlängene, Überbräitene, Schwäärtranspört, Chraanetranspört, Sonderplatziärige – für das und äiniges mee bringed mir öisi Schpeziaaltranspört is Role.
Siit fascht 30 Jaar simer als Konteinerschpeditööre mit Irere Seefracht underwäx. Für das sezzed mir e schtarchi Konteinerflotte und vill Erfaarig mit GDP-Richtliniä i Bewegig.
Zügle hät immer zwäi Siite: e Schööni und en Aaschträngendi. Öisi Zügelprofis übernämed di Zwäiti, segs für Privaatpersoone, Äinzelundernäme oder e ganzes Filialnetz.
Ganz gliich, wohäär oder wohii Iri Güeter söled gliferet werde: Mit öisere internazionaale Transportlogischtik bringed mer Iri Waar als Täil- oder Komplettladige im passende Moudal Splitt sicher as Ziil.
Dass es Ine am Zoll nöd d Schpraach verschlaat, übernämed mir d Ii- und Uusfuer-, EU- oder Transitverzolige und schtönd Ine als Fiskaalverträter oder zueglaane Empfänger/Versänder bii.
Im Luftfrachtersazzvercheer bringed mir Iri Fracht uf d Schtraass. Das erwiiteret Iri Luftfrachtkapazitääte und bündlet d Waareflüss a Iri Hauptflughäfe.
Mit em Chundeportaal jederziit debii
Informazioonsfluss
Für öisi Chunde hämmer i ösiem webbasierte Chundeportaal sämtliche elektronische Dienscht vo de Laager- und Transportlogistik wie Uftraagserfassig, Laagerbeschtandsübersicht, Sändigsverfolgig umd mee zämegfüert.
… mir nöd nume Stückgüeter a Gschäftschunde uuslifered, sondern mit Planzer Houmserviss und Planzer Pakeet au Privatchunde bediäned?
… mir mit öisem Nachtexpress Iri Öffnigsziit um d Nacht verlängered?
… mir öis im Konteinerbisness mit mee als 60 Zuugmaschine und 220 underschidliche, mäischtens luftgfäderete Konteinerschassi für Ires Überseegschäft schtarch mached?
… mir dank öisere äigne Schpedizioon au Iri Übersee-Transpört erlediged?
… mir wältwiit so guet vernetzt sind, dass Iri Güeter innerhalb vo 24 Schtund de Zuegang zu internazionaale Märt finded?
… mir Ine a acht Schtandort in Öiroopa en bräite Fächer a Laagerlogischtik- und Verzoligsdienschtläischtige aabüüted?
Iren Aaschprächpartner
Severin BaerMitgliid vode Gschäftsleitig Leiter nazionali Transpört Leiter «Planzer Paket»