Di äinte Güeter wachsed ganz wörtlich über sich uus, segs i de Längi, Bräiti, Gwicht, Woluume oder Komplexitäät. Für söttigi Fäll chömed öisi Netzwerchpartner vo de Wespe Transport AG zum Iisazz. Si kümmered sich um Iri Überlängene, Überbräitene, Schwäärtranspört, Chraanetranspört, Sonderplatziärige und um ales wo de Raame vomene gängige Stückguettransport schprängt.

Läischtige im Formaat XXL

Überlängene und Schwäärgwicht

Mir transportiäred übermäässig schwääri Waare oder Überlängene bis 40 Meeter wiä zum Bischpiil Liimträäger, Fluetliächtaalaage, Hochschpanigsmäscht, Bruggenelemänt oder Traktoore. Für das sezzed mer offeni und gchröpfti Sattelschlepper und Megasatteluufligger ii.

Chraanetranspört

Di äinte Güeter sind unförmig, woluminöös, schwäär zuegänglich oder müend uf häikle Undergründ platziärt werde. Für das schaffed mer mit läischtigsstarche Chraanefaarzüüg, mit Äifach- oder Doppel-Tele und mit technoloogische Hilfsmittel wiä Funkfernbediänig, Wändegable und Punktbelaschtig.

Bewiligunge, Papiir

Äinzeltranspört mit schwääre, überlange oder gföörliche Güeter erfordered d Bewilligung vo äim oder – jee nach Schtrekki – meerere Kantöön. Nöd z vergässe: di regelkonform uusgfüllte Fachtpapiir.

Eskorte

Transpört und Faarzüüg mit Übergröösene und Gfaarguet müend i de Schwiiz vo de Polizei oder eme privaate Sicherheitsdiänschtläischter begläitet werde. D Organisazioon und d Koordinazioon dörfed Si ruig öis überlaa.

Uusnaametranspört

Für de Transport vo gwüsse Übermaass durs Gotthard-Tunnel gälted beschränkti Durchfaartsziite und Si bruuched e Sonderbewilligung. Söttigi behördlichi Hüürde sind öises Schpeziaalgebiät.

Mee Vortäil, mee Wert

Iri schwääre, überlange und häikle Sändige bringed mer sicher as Ziil und professionell in Posizioon.

Sämtlichi rächtliche Beschtimige wo für Ire Schpeziaaltransport gälted, haltemer sälbverschtändlich ii.

Si dörfed öis die ganzi Adminischtrazioon abgää – Frachtpapiir, Bewiligunge und Eskorte inklusiive.

Mir schaffed mit hoochmoderne Chraanefaarzüüg, deckte und offene Faarzüüg, Tschumbo- und Tüüfbettfaarzüüg und mit Satteluufligger mit Äifach- und Doppel-Tele.

Si nuzzed öises dichte Netzwerch zu Partnerdienschtläischter und Behöörde.

Wir arbeiten seit 1997 mit der Planzer-Gruppe zusammen. In der Baubranche ist es wichtig, dass die Ware termingerecht auf der Baustelle ist. Unsere Kunden schätzen die Freundlichkeit der LKW-Fahrer, was nicht selbstverständlich ist in der heutigen, hektischen Zeit.

Livio Coduri Verwaltungsrat Acosim AG
Livio

Ire Aaschprächpartner

Stefan Nussbaumer
Stefan Nussbaumer Geschäftsführer
Adrässe

Wespe Transport
Allmeindstrasse 23
8716 Schmerikon

+41 (0) 44 / 744 64 64 Zum Kontaktformulaar Zum Chundeportaal Standort Tschöpps Onlineshop