Wird glade …

Zug um Zug wiitsichtig unterwägs

Zu de Nachhaltigkäit ghört bi öis de umwältgrächti Umgang mit Rössurse. Mir verstönd drunder än unternämerischi Wiitsicht, wo öis und öisne Nachkomme e wirtschaftlich und gsellschaftlich gsundi Zuäkumft sichered. Erfaared Si mee über öises Engaschemänt in Sache Zuekumft i öisem Nachhaltigkeitsbricht.

Baantranspört

De Transport vo Irne Güeter verteiled mit umwält- und ressourceoptimiert uf verschideni Vercheersträäger. Hüt faared rund 60% uf de emissionsfreie Schine, wo mir drizäh huuseigni Baancenter vo allne Regione vo de Schwiiz us nutzed. Mit em Iisatz vo de Baan über Nacht mached mir Iri Nacht zum Tag und vermiided unnötigi Stand- oder Warteziite. Und: Mir dischponiered ziitoptimiert, bündeled d‘Uufträäg, vermiided Leerfaarte und bildet öisi Faarer regelmässig in EcoDrive wiiter. Öise Modalsplit entlaschtet d‘Umwält um rund 36 600 Laschtwagefaarte oder 6300 Tonne CO2 pro Jaar.

Oise Prozäss im Detail:

 

Elektro-LKW

Sit einige Jaar sind mir no ökologischer unterwägs: Mit em Elektro-LKW bediened mir d‘Schtett 100% emissionsfrei und grüüscharm. Dadezue e paar interessanti Fakte:

  Elektro-LKW Diesel-LKW
Energiiverbruuch
– Autobaan
– Überland/Schtatt

 

80–110 kWh/100 km
(=8–11 l Diesel)

60–90 kWh/100 km
(= 6–9 l Diesel)

Ø 24/25 l Diesel/100 km

Ø 28/30 l Diesel/100 km

Gsamtgwicht 18 Tone 18 Tone
Nutzlascht

6.5 Tone

ca. 7.4 Tone
Brämse ABS-EBS ABS-EBS, D’Abschtandwarnsischtem sind bi beidne Faarzüg uf em gliiche technologische Schtand.
Diverses
  • Gringi Servis- und Unterhaltschöschte
  • gringi Riichwiiti (ca. 250 km)
  • gringi Lerm- und Schadschtoffemissione (CO2-neutral)
  • Höheri Servis- und Unterhaltschöschte
  • grösseri Riichwiiti (volltankt)

Fäktschiit zum Planzer-Elektro-LKW.

Citylogistik

Under däm Begriff verstönd mir än uusklüegleti Abhol- und Zuestelllogistik für Balligszenträ mit de Baan als Hauptvercheersträäger. S‘Ziil: Versorgigskwalität sicherstelle, Belaschtigsdruck i de Stadtzäntre reduziere und d‘Wirtschaftlichkäit vom städtische Güetervercheer optimiere. Allei i de Stadt Züri zum Biischpiil erspaart das Konzept 7‘660 kg CO2 pro Tag.

I dä Citylogistik bündeled mir Iri Sändige bi der Abholig i de ganzä Schwiiz, bringed si über Nacht mit dä Baan nööch ad Städtische Baan zäntre, sortiered si nöi und verteiled si mit LKW, Elektro, Chliifaarzüg und Cargobike in churze, quartierspezifische Lifertuure. D‘Rückfaart verbinded mir mit ere wiitere Abholig. Öisi Cityschofföre faared immer di gliichi Tuur, känned drum jedi Bauschtell, jedi Quartierstraass, jede Chund und jedi Bsunderheit rund um Iri Liferig.